Министерството за одбрана на Велика Британија соопшти дека најмалку пет ловци-бомбардери Су-24 и три повеќенаменски авиони Су-30 се речиси сигурно уништени или сериозно оштетени во експлозиите на рускиот аеродром Саки во западниот дел на Крим.

Се наведува дека експлозиите речиси сигурно биле предизвикани од детонација на складиште за муниција без надзор, а вистинската причина за експлозиите останува непозната. Централната област за растурање на Саки претрпе сериозни оштетувања, но аеродромот најверојатно се уште е во функција, се додава во извештајот.

Загубата на осум борбени авиони претставува помал дел од вкупната флота на авиони што Русија ја има на располагање. Сепак, Саки првенствено се користел како база за авиони на Црноморската флота на руската морнарица. Морнаричката авијациска способност на флотата сега е значително ослабена.

Фото: EPA/MAXAR TECHNOLOGIES HANDOUT