Премиерот на Велика Британија Борис Џонсон и неговата вереница Кери Симондс добија син. Портпаролот на семејството потврди дека Симондс утрово родила „здраво момче“. кери се породи во лондонската болница, а според изјавите и мајката и бебето се многу добро. Парот бил пресреќен, но името на бебето допрва треба да се објави.

Џонсон и Симондс пред два месеци објавија дека се верени и дека го очечуваат првото дете. Среќната вест за премиерот доаѓа и ден откако тој заедно со нацијата даде едноминутно молчење во спомен на работници кои починаа од „Ковид-19“ и само неколку недели откако тој самиот беше примен на интензивна нега додека се бореше со вирусот.

Претходно оваа година, Џонсон кој има 55 години го финализира разводот од неговата втора сопруга Марина Вилер, со која има две ќерки и два сина. Тој ќе стане првиот премиер што ќе се ожени додека е на должност во последните 250 години. 

Симондс е 32 години и работеше како шеф на комуникациите на Конзервативната партија до август 2018 година. Таа, исто така, беше специјален советник на поранешниот канцелар Саид Јавид. Во моментов, таа работи како советник во Океана, организација за зачувување посветена на зачувување на морскиот живот.