Британската банка Лојдс бенкинг груп, најголемиот кредитор во Британија, ќе укине околу 1 340 работни места во рамки на програмот за кратење на трошоци.

Овој програм е покренат во октомври 2014 година, пренесе Блумберг.

Ваквиот потег е дел од планот за укинување на 12 000 работни места до 2017 години, се наведува во соопштението на синдикатот на работници, и се додава дека со отпуштањата ќе бидат погодени вработени во секторот за работи со население и во одделението за управување со ризични пласмани, како и дека досега се отпуштени 8 680 работници.

Лојдс групата која вработува околу 74 117 луѓе, меѓутоа најави отворање на 110 нови позиции.

„Таму каде е неопходно вработените да ја напуштат компанијата, ќе настојуваме тоа да го постигнеме низ доброволно заминување“, велат од банката.

Генералниот директор на банката Антонио Орта Осорио во јули најавил поголемо кратење на работните места како би се неутрализирал падот на приходите од кредитирањето како последица на рекордно никсите каматни стапки.

Во меѓувреме, британската влада, која поседува 9,0 отсто дел во банката, ја обнови минатата недела продажбата на акции на таа банка.