Децата ќе бидат примани во фази, до 2020 година.

Британија одлучи дека може да прифати до 3000 деца бегалци.

„Програмата нема да се фокусира само врз непридружуваните деца. Ќе опфаќа и деца од ранлива категорија, како оние кои може да бидат принудени да работат, да се омажат насила или да станат жртви на други форми на експлоатација и злоупотреба"- се наведува во изјава на британското Министерство за внатрешни работи.

Новата програма ќе се спроведува во соработка со Високиот комесаријат на ОН за бегалци (УНХЦР) и ќе биде достапна за сите изложени на ризик групи и националности во Блискиот Исток и Северна Африка. Досега над 1000 пристигнале во Велика Британија.