Генерален штрајк во Белгија поради планот за штедење на владата доведе до откажување на летови, прекин на јавниот превоз и пристаништата во Северното Море денес, а се очекува десетици илјади демонстранти да се обединат на протести во Брисел.

Аеродромот во Брисел, најголемиот во земјата, ги откажа сите заминувања откако безбедносните служби стапија во штрајк, објавува Гардијан.

Аеродромот Шарлроа, голем центар за нискобуџетни авиокомпании, соопшти дека не е во можност да извршува летови поради недостиг на персонал.

Ова е најновиот во низата штрајкови што ја потресоа Белгија откако, според Гардијан, фламанскиот националист Барт де Вевер стана премиер во февруари.

Владата се обидува да ги реформира пензиите и да направи други намалувања за да го намали буџетскиот дефицит, што ги налути синдикатите.

- Belgium is experiencing a major nationwide strike organized by the country's largest trade unions (FGTB/ABVV and CSC/ACV). The strike is a coordinated protest against austerity measures, including reforms to pensions (such as raising the retirement age), wage freezes, and… pic.twitter.com/aDHIANxmCG

— EuroWatcher - News for you (@EuroWatcherEUW) October 14, 2025

„Оваа влада вети одржливи работни места и поголема куповна моќ. Само празни зборови! И повторно сите плаќаат, освен богатите“, соопшти белгискиот синдикат CSC, повикувајќи ги граѓаните да излезат на улица.

Технолошките компании во Белгија пријавуваат пад на производството од 22 проценти, според здружението Агорија, кое вели дека секој изгубен работен ден е „контрапродуктивен“, објавува фламанското радио и телевизија.

Во исто време, повеќе од 100 бродови чекаат да се закотват во пристаништата на брегот на Северното Море.

Синдикатите жестоко се спротивставуваат на реформите што вклучуваат укинување на предвременото пензионирање и замрзнување на индексите на платите.

Belgium Paralyzed by Nationwide Strike as Energy Crisis Deepenshttps://t.co/JkaQssvDVI#Belgium #Strike #EnergyCrisis #EuropeNews #WorkersProtest #CostOfLiving #NewsUpdate #GlobalNews #BreakingNews #EuropeanUnion #Protest #Economy #inflation #dubbed #viitorai #aitools pic.twitter.com/MjqLWkcOJL

— ViiTor AI (@ViiTor_AI) October 13, 2025

Владата објави дека треба да најде околу 10 милијарди евра заштеди, а во исто време планира да ги зголеми трошоците за одбрана во рамките на обврските кон НАТО.