Ако Велика Британија ја напушти Европската унија, таа ќе оди на крајот на опашката во трговските односи со САД.

Тоа го предупреди американскиот претседател Барак Обама по средбата со премиерот Дејвид Камерон во Лондон.

"Велика Британија ќе оди на крајот на опашката, не затоа што немаме специјални односи, туку затоа што за нас (САД) пристапот до голем пазар со многу земји е поважно од склучувањето на трговски договори на парче", истакна Обама, очигледно упатувајќи предупредување до поддржувачите за излегување на Британија од ЕУ.

Ова прашање ќе се решава од Британците на референдум на 23 јуни.

Американскиот претседател додаде дека резултатот од референдумот е од големо значење за САД,.

"Некои луѓе можеби мислат дека ќе има нов трговски договор меѓу САД и Велика Британија, но тоа нема да се случи наскоро, бидејќи ние сме фокусирани на преговорите за трговски договор со големиот блок, со ЕУ", изјави Обама.

Членството на Велика Британија во ЕУ го засилува нејзиното влијание во светот, изјави претседателот на САД Барак Обама, а така ги поддржа поддржувачите на останувањето на Британија во ЕУ.

Британија се претставувала најдобро кога е во прашање придонесување за водство на една силна Европа. Велика Британија треба да ги задржи сојузници во Европа и во светот, изјави од своја страна Камерон.

"Членството на Велика Британија во ЕУ е важен инструмент за да им ги дадеме просперитетот и безбедноста, од кои народите ни се потребни и да ги поддржуваме вредностите кои земјите ни ги делат. Сметам дека сега е моментот да останеме верни на овие вредности и да стоиме рамо до рамо со нашите пријатели и сојузници во Европа и во светот ", рече уште британскиот премиер.

ЕУ и овозможува на Велика Британија да ги шири британските вредности низ целиот континент. Вкупниот европски пазар носи огромни економски бенефиции на британските граѓани, а тоа е нешто убаво и за САД, рече Обама, јави AP.