Од справувањето со оваа криза ќе зависи политичкото наследство на канцеларката, Ангела Меркел.

Длабоко во себе Ангела Меркел уште се надева дека Британија ќе остане во Европската унија, иако знае колку е тешко (или речиси невозможно),  пишува „Вашингтон пост". Во рацете на Меркел е иднината и соработката меѓу Лондон и Брисел.

Меркел, во улога на лидер на обединета Европа, понесе многу критики за своите постапки во однос на бегалската криза и проблемите во еврозоната. Ситуацијата со Брегзит сепак е нешто сосема друго,  тоа влијае секоја земја-членка и секоја која има желба да влезе во унијата во иднина.

Визијата за просперитетна Европа, која беше инспирација за цели генерации, е ставена на коцка.

Меркел е единствениот лидер способен да ја води унијата во преговорите со Велика Британија за напуштање и да ја зачува заедницата од евроскептицизмот.

Предизвикот е огромен, а Железната леди на Европа треба да се справи сама. Таа не бара реваншизам, а камоли брзо одвојување на Лондон од европското семејство.