Бројот на жртви од катастрофалните поплави во бразилската држава Минас Жераис се искачи на 46, соопштија пожарникарите во среда. Поплавите и лизгањето на земјиштето раселија околу 3.600 луѓе, а 21 лице сè уште се водат како исчезнати. Градовите Хуиз де Фора и Уба, оддалечени околу 110 километри (68 милји), беа најтешко погодени, објави Ројтерс.

Трогателни сцени од погреб

Во Хуиз де Фора во среда беше погребан 11-годишниот Бернардо Лопес Дутра, една од жртвите на поплавите. Неговиот татко, Рикардо Дутра, доби сочувство од роднини и пријатели, додека неговата сопруга и ќерка беа хоспитализирани. „Се обидувам да се соберам“, рече тој.

Massive flooding in Juiz de Fora, Minas Gerais, Brazil (25.02.2026) pic.twitter.com/lPHZAHDtKh

— Disaster News (@Top_Disaster) February 26, 2026

Чувство на беспомошност

Дождовите се намалија во вторник вечерта, дозволувајќи им на властите и волонтерите да ги интензивираат напорите за помош на жителите кои останаа без домови и најблиски. Градоначалничката на Хуиз де Форе, Маргарида Саломао, ги повика луѓето што живеат во области со висок ризик да се евакуираат и да побараат помош во засолништата што ги обезбедува градската администрација. Во градот сè уште е на сила состојба на природна катастрофа.

Федералната влада на Бразил го забрза испраќањето помош и хуманитарни материјали во погодениот регион, вклучувајќи здравствени работници и експерти за национална одбрана.

Unbelievable scenes from Brazil! Last night, a violent storm in Minas Gerais turned streets into rivers, destroying homes. The flooding was so powerful that even coffins were seen floating through the water. pic.twitter.com/1ocy0Q7iHV

— Md.Sakib Ali (@iamsakibali1) February 26, 2026

„Без разлика колку се трудите, во еден момент се чувствувате беспомошни. Сведочите на таква ситуација - луѓе заробени под урнатините - и не можете да направите ништо повеќе, вашиот придонес е ограничен“, рече Налван Луиз, пријател на момчето жртва, на погребот.

Рекордни врнежи од дожд

Голем дел од Бразил моментално е на врвот на дождовната сезона, која трае од декември до март и носи чести и интензивни поројни дождови, бури, поплави и лизгање на земјиштето. Градските власти на Хуиз де Форе објавија дека ова бил највлажниот февруари во историјата на градот, со врнежи од дожд веќе повеќе од двојно од месечниот просек.