Трошоците за подготовка на 12 -те стадиони за Светското фудбалско првенство во Бразил следната година се зголемиле за речиси 1 милијарда реали ( 435 милиони долари ) , објави Владата на земјата. Од ФИФА инсистираат целата работа на објектите да биде финализирана до следниот месец , но овој период е малку веројатно да биде испочитуван во некои градови. Стадионите , дел од кои се нови , а други реконструирани , веќе ќе чинат вкупно 8 милијарди реали ( 3.47 милијарди долари), според официјалните податоци на Владата. Во декември, кога беа објавени претходните проценки , вкупната вредност на стадионите беше пресметана на 7.03 милијарди реали ( 3.05 милијарди долари ) . Во 2010 година сумата изнесуваше 5.3 милијарди реали ( 2.29 милијарди долари ) , според новинарскиот сајт Terra . Трошоците за организацијата на Светското првенство , поттикнаа протести во Бразил за време на првенството за Купот на Конфедерации претходно оваа година , што беше своевиден тест за настанот во 2014 година Демонстрантите го споредија ниското ниво на услугите во здравството и образованието со трошоците за нови стадиони за првенството . Вкупниот буџет за спортскиот настан е зголемен малку до 25.8 милијарди реали ( 11,2 милијарди долари ) . Најскапиот стадион се наоѓа во главниот град Бразил, Ештадио Насионал со капацитет од 71 000 места. Трошоците за него се 1.4 милијарди реали ( 607 милиони долари ) . Изградбата се финансира целосно со државни пари , а нејзината иден употреба останува нејасна , бидејќи во градот нема ниту еден голем фудбалски клуб. Откако стадионот беше отворен , неколку клуба , меѓу кои и со седиште во Рио де Жанеиро - Фламенго , ги играат дел од натпреварите таму за да привлечат повеќе публика .