Пентагон денеска објави скоро 200 фотографии кои сведочат за измачување на затворениците од Ирак и Авганистан, за време на интервенцијата на САД.

Вкупно 198 фотографии , кои биле фотографирани во периодот меѓу 2004 и 2006 година, покажуваат рани и исекотини на телата на затворениците. Лицата на затворениците кои биле подложени на тортура се скриени.

Но, американските власти не ги открија и останатите 1 800 фотографии. Оние фотографии што Пентагон ги објави не ги прикажуваат околносите во кои се сликани, односно каде и под какви услови се држат затворениците, или колку време поминало од настанувањето на повредите до фотографирањето.

Објавените фотографии илустрираат само мал дел од вистинските хорор приказни односно од праксата на мачење што ја спроведува американската Влада, изјави директорката на програмата за безбедност и човекови права на американскиот огранок на „Аменсти интернешнл“ Норин Шах.