Британската влада планира да изгради национален брод, а цената ќе биде околу 200 милиони фунти (232 милиони евра).Новиот национален брод, наследник на кралската јахта „Британија“, ќе ја промовира трговијата и индустријата на Велика Британија низ целиот свет, најави премиерот Борис Џонсон.

Бродот би се користел како место за одржување на саеми, министерски состаноци и дипломатски средби во време кога Велика Британија се обидува да создаде врски и да го зајакне извозот по Брегзит, а бродот ќе биде првиот национален брод по луксузната јахта во Велика Британија, повлечена во 1997 година .

Името на бродот сè уште не е објавено, но Џонсон се соочува со притисок од заговорниците на бродот и ториевците да го именуваат по војводата од Единбург, принцот Филип, кој учествуваше во дизајнирањето на „Британија“, објави Ројтерс.

Џонсон рече дека новиот национален брод ќе биде „првиот брод од ваков вид во светот што ќе го покаже просперитетот на Обединетото Кралство како голема, независна поморска трговска држава“.

По тендерот, неговата изградба ќе започне најрано во 2022 година и ќе влезе во поморската служба во следните четири години.

Со бродот ќе управува Кралската морнарица и се очекува да биде во функција во наредните 30 години.