Франсоа Оланд, претседател на Франција смета дека мултинационалната коалиција предводена од САД, која дејствува против групата „Исламска држава“ во Сирија и во Ирак, би требало акциите да ги прошири и против сирискиот Фронт Ал Нусра.

Тој вели дека меѓународната заедница треба да преземе ефикасна акција и против Фронтот ал Нусра, кој важи за сириски огранок на терористичката мрежа Ал Каеда.

„Додека ИД слабее и се повлекува од териториите што ги држи под контрола, постои ризик да зајакант некои други групи, како на пример Фронтот ал Нусра“- изјави синоќа Оланд на средба со француски новинари по завршувањето на Самитот на НАТО во Варшава.

Можноста за проширување на операциите против Фронтот Ал Нусра и за преземање „решители акции“ против оваа исламистичка група, беше спомената и за време на разговорите меѓу американскиот државен секретар, Џон Кери и рускиот министер за надворешни работи Сергеј Лавров, одржани на 1 јуни.

Оланд неодамна кажа дека по нападите во Париз лани во ноември работат за поголема безбедност во земјата.