На бриселскиот аеродром загинаа 13 луѓе, а нападите ги изврши бомбаш самоубиец, пренесува Раша тудеј. Најмалку 3 експлозии за краток временски период одекнаа во Брисел, две на аеродромот и една на станицата за метро, поради што владее паника во градот. Патниците се евакуирани, метрото не работи, а безбедноста е подигната на највисоко ниво. Сите институции на ЕУ се затворени, а на граѓаните им се препорачува да останат таму каде што се и да не излегуваат од домовите. Медиумите пренесуваат дека пред експлозиите се слушнале извици на арапски јазик. Овие експлозии се случуваат 4 дена по апсењето на терористот Салех Абдеслам, кој е поврзан со нападите во Париз.