Во Кабул, главниот град на Авганистан, денеска се случи експлозија во близина на руската амбасада. Според полицијата, бомбашот самоубиец се обидел да се приближи до влезот на амбасадата, но бил застрелан од стражарите додека се приближувал до капијата. Руските медиуми објавија дека бројот на жртви е голем, десетици се повредени или загинати, но засега тоа не е официјално потврдено.

„Пред да стигне до целта, напаѓачот самоубиец бил препознаен и застрелан од чуварите на руската амбасада. Засега нема информации за жртви“, изјави за Ројтерс Мавлај Сабир, шеф на полицискиот округ каде се случи нападот.

The video after the explosion near the embassy of Russia in Kabul which took place today.

So far no one or group has claimed the responsibility.#aamajnews pic.twitter.com/4rH1Dnu4hZ

— Aamaj News English (@aamajnews_EN) September 5, 2022

Од друга страна, руската агенција РИА Новости тврди дека во експлозијата се повредени двајца Руси - дипломат и чувар на амбасадата. Според соговорниците на агенцијата, до инцидентот дошло кога вработената излегла кај луѓето кои стоеле во ред за визи.

Русија е една од ретките земји која има амбасада во Кабул откако Талибанците ја презедоа земјата пред повеќе од една година. Иако Москва официјално не ја признава талибанската влада, тие разговараат со официјални лица за договор за снабдување со гориво и други стоки.