Руската ФСБ тврди дека убиството на новинарката и политиколог Дарија Дугина, заедно со Наталија Вовк, го планирал уште еден вработен во украинската тајна служба, кој ја напуштил Русија ден пред убиството.

- Во текот на истрагата е утврдено дека убиството на Дарја Дугина во Москва го планирала Наталија Вовк со уште еден член на украинската терористичка група, државјанин на Украина, Богдан Петрович Циганенко (44), кој во јули пристигнал во Русија преку Естонија на 30. јули и ја напуштил земјата ден пред убиството, тврди руската служба за безбедност.

Наводно, Богдан Петрович и дал на Вовк лажни регистарски таблички и документи на име на Јулија Заико, државјанка на Казахстан, и дека и помогнал на Наталија да состави импровизирана експлозивна направа во изнајмена гаража во југозападниот дел на Москва.

- Со следење на надзорните камери е утврдено дека сторителот на злосторството, државјанката на Украина Наталија Павловна Вовк, лично ја гледала Дарија Дугина на паркингот за посетители на фестивалот - забележува службата.

Дарија Дугина беше убиена на 20 август, кога нејзиниот автомобил експлодираше на автопат во Москва, набргу откако го напушти фестивалот на кој присуствуваше со нејзиниот татко.