Египет планира да го изгради вториот Дубаи кој ќе претставува нов „административен главен град“ на државата и ќе се наоѓа 45 километри источно од Каиро. Новиот град ќе има плоштина од 700 квадратни километри и ќе се поврзува со Каиро со модерна железница. Територијата на која ќе се гради моментално е пустина, но за пет до седум години ќе можат да се населат првите жители. Ќе бидат изградени државни објекти, парламент, претседателска палата, дипломатски кварт, а градот ќе има и сопствен аеродром, парк со големина на четири “Дизниленди” и хотел облакодер. Целта на изградбата на нов град е да се намали пренаселеноста на Каиро и за да се намали сиромаштијата во државата.