За време на средбата со рускиот министер за надворешни работи Сергеј Лавров, директорот на Светската здравствена организација, Тедрос Адан Гебрејесус, изрази благодарност за иницијативата на рускиот претседател Владимир Путин членките на Г20 меѓусебно да ги признаат  вакцините против Ковид-19.

Ова го соопшти портпаролката на Министерството за надворешни работи Марија Захарова, пренесе руската агенција Тасс.

Обраќајќи се на самитот на Г20 преку видео врска, Путин рече дека нелојалната конкуренција спречува некои земји да имаат пристап до вакцини.

Тој, исто така, ги повика членките на Г20 меѓусебно да ги признаат  вакцините и сертификатите за вакцинација.

Захарова изјави дека меѓусебното признавање на вакцините во рамките на Г20 ќе биде голем чекор напред во борбата против пандемијата на коронарниот вирусот.