Затоа што била премногу советска, Киргистан ќе ја смени својата химна. 

Киргистан денеска објави дека ќе ја смени химната бидејќи ја смета за премногу советска. Ова е уште една од низата мерки преземени со цел промена на државните симболи и зајакнување на националниот идентитет на оваа земја во Централна Азија и сојузник на Русија.

Новоформираната собраниска комисија е задолжена за промена на националната химна, јавува агенцијата Кабар.

Сегашната химна, усвоена по падот на СССР во 1991 година, е идентична со советската химна и застарена, бидејќи, како што тврди претседателот Садир Џапаров, само ја слави независноста, а Киргистан е земја со историја стара 5.000 години.

Џапаров затоа есенва побара „да се напише химна која ќе ги инспирира младите и идните генерации“.

Претседателот на Собранието Нурлан Чакиев рече дека новата химна ќе биде готова до април и ќе биде лесна за пеење за сите на возраст од пет до 95 години.

Во земја каде што рускиот сè уште е официјален јазик, посилно се промовира киргистанскиот јазик.

Овие мерки се посериозно започнати по руската инвазија врз Украина во февруари 2022 година. Лани го сменија и знамето на кое сега има жолто сонце со стилизиран приказ на јурта на црвена заднина.

foto Wikipedia/Hunne