Патникот рекол дека луѓето на летот почнале да паничат кога го виделе облакот од пепел додека се приближувале кон Сицилија.

Тој додал дека јасно можел да ја види планината Етна од прозорецот на авионот, бидејќи бил ведар ден, и дека забележал сив облак од пепел над вулканот. Фотографијата ја направил околу 10:30 часот наутро, а првите сеизмички потреси се регистрирани околу полноќ.

„Искрено, не мислам дека некој во авионот знаел што се случува и не сакав да ги збунам луѓето кажувајќи им дека веројатно е ерупција на вулкан. Дури откако слетавме и ги проверивме телефоните, луѓето почнаа да паничат“, објаснил тој.

Нивото на тревога беше подигнато на аеродромот во Катанија поради вулканската активност. Сепак,  немаше веднаш прекини во летовите.

Туристите кои беа на местото на настанот панично бегаа. 

Етна е популарна туристичка дестинација, која ја посетуваат речиси 1,5 милиони луѓе годишно. Местото, кое е заштитено од УНЕСКО, се смета за еден од најактивните вулкани во светот, со документирана историја на ерупции што се протегаат најмалку 2.700 години.

Етна веќе имаше една голема ерупција претходно оваа година, во февруари.