Експертите од Обединетото Кралство веруваат дека ја идентификувале причината за неодамнешниот бран мистериозни проблеми со црниот дроб што ги погодуваат малите деца ширум светот.

Истрагите сугерираат дека два вообичаени вируси се вратиле по завршувањето на пандемиските блокади - и ги активирале ретките, но многу сериозни случаи на хепатитис.

Се смета дека се погодени повеќе од 1.000 деца - многу помлади од пет години - во 35 земји.

На некои, вклучително и 12 во Обединетото кралство, им беше потребна трансплантација на црн дроб за спасување.

Двата тима на истражувачи, од Лондон и Глазгов, велат дека доенчињата изложени подоцна од нормалното - поради ограничувањата на Ковид - пропуштиле одреден ран имунитет на: аденовирус, кој вообичаено предизвикува настинки и стомачни тегоби. Како и на адено-асоциран вирус два, кој вообичаено не предизвикува болест и бара коинфициран вирус „помошник“ - како што е аденовирус - за да се реплицира.

Ова може да објасни зошто некои развиле невообичаени и загрижувачки компликации на црниот дроб.

Би-Би-Си ја пренесуваат приказната на Ноа (3), кој живее во Челмсфорд, Есекс, и на кого му била потребна итна трансплантација на црн дроб откако се разболе од хепатитис.

Неговата мајка, Ребека Камерон-Мекинтош, вели дека искуството било поразително.

- Тој претходно не боледуваше сериозно. Кога наеднаш се влоши, многу не изненади. Прво претпоставивме дека тоа е еден мал проблем што лесно ќе се реши - но всушност продолжи да се влошува - раскажува Ребека. 

Првично, Ребека требало да биде донатор, но, по сериозна реакција на употребените лекови, таа завршила на интензивна нега. Ноа бил ставен на листата за трансплантација и набргу добил нов орган.

Неговото закрепнување е добро - но тој ќе треба да зема имуносупресиви доживотно, за да го спречи неговото тело да го отфрла новиот црн дроб.

- Има нешто навистина срцепарателно во тоа затоа што ги следите правилата, го правите она што треба да го направите за да ги заштитите луѓето кои се ранливи, а потоа, на некој ужасен начин на кружен тек, вашето дете стана поранливо затоа што вие го направи она што требаше да го правите - вели Ребека.

Случаите како овој се ретки. Повеќето деца кои ги фаќаат овие типови вируси брзо закрепнуваат.

Не е јасно зошто некои потоа развиваат воспаление на црниот дроб - но генетиката може да игра улога.

Научниците отфрлија каква било поврзаност со вакцините за коронавирус или Ковид.

Еден од истражувачите, проф. Џудит Бројер, експерт за вирусологија, на Универзитетскиот колеџ во Лондон и болницата Грејт Ормонд Стрит ги појасни причините за оваа состојба. 

- За време на периодот на заклучување кога децата не се мешаа, тие не пренесуваа вируси едни на други. Тие не градеа имунитет на вообичаените инфекции со кои вообичаено би се сретнале. Кога беа укинати ограничувањата, децата почнаа да се мешаат, вирусите почнаа слободно да циркулираат - и тие одеднаш беа изложени со овој недостаток на претходен имунитет на цела батерија нови инфекции - појсанува Бројер.

Експертите се надеваат дека случаите сега стануваат се поретки, но сè уште се на готовност за нови.

Професорката Ема Томсон, која го предводеше истражувањето на Универзитетот во Глазгов, рече дека сè уште има многу неодговорени прашања. „Итно се потребни поголеми студии за да се испита улогата на AAV2 во случаите на педијатриски хепатитис.

- Ние, исто така, треба да разбереме повеќе за сезонската циркулација на AAV2, вирус кој не се следи рутински - може да биде дека врвот на инфекција со аденовирус се совпаднал со врвот на изложеноста на AAV2, што доведува до невообичаена манифестација на хепатитис кај подложни мали деца - додава Томсон.