Германските здравствени работници почнаа да ги посетуваат кебапчилниците, продавниците за бела техника, мебел и други производи, во обид да допрат до луѓето кои се уште не примиле вакцина против коронавирусот. 

Ова е дел од специјалната кампања за вакцинација која им се нуди на германските граѓани, без претходн закажувања, на лесно пристапни локации, објавени на специјална интернет страница и промовирана на социјалните медиуми под мотото – Вакцинирајте се тука.

Програмата за имунизација на населението во Германија тече со намалено темпо.

Германскиот министер за здравство Јенс Шпан денеска ги бранеше и засилените мерки на притисок против невакцинираните граѓани, вклучувајќи ја и одлуката за прекинување на бесплатните тестови наредниот месец.