Властите во Милтон Кејнс , мало англиско градче северно од Лондон , објавија дека во најскоро време ќе започне да работи новиот систем за јавен превоз . Околу сто беспилотни капсули ULTra PRT transport pods ќе ги заменат автобусите . Сличен транспортен систем веќе од околу 2 години работи на аеродромот Хитроу . Системот ќе почне со работа во 2015 година и ќе биде целосно завршена во 2017 година. Ова е првпат како беспилотен систем ќе биде користен во градски превоз на Островот. „Подовите" се многу мали автомобили кои се движат по шини со помош на гумени тркала , со лизгачки врати за влез и излез. Патниците ќе можат да ги повикаат со помош на своите паметни телефони . Цената на едно патување ќе биде 2 фунти. Секој автомобил се управува од борд компјутерот, но во случај на проблем и самиот патник може да го преземе управувањето . Еден миниавтомобил може да собере двајца патници и нивниот багаж. Подовите се бесшумен еколошки транспорт и ако проектот се развие успешно, таквиот транспорт ќе биде воведен и на други места во Велика Британија .