Популарноста на германската канцеларка Ангела Меркел во земјата се намалува за прв пат до четвртото место меѓу политичарите, објави германското списание „Spiegel“, повикувајќи се на две студии -„TNS Forschung“ и „ZDF Politbarometer“.

Популарноста на Меркел паѓа драстично поради начинот на управување на кризата со бегалците, коментира „Ројтерс“.

Меркел е обвинувана од сојузниците во Баварија, влезна точка за повеќето мигранти - и некои источноевропски земји од ЕУ, за промовирање на прилив на луѓе, давајќи им зелено светло да пристигнуваат во Германија. Според последните официјални информации Берлин очекува 800 000 мигранти и бегалци од воените конфликти да влезат во Германија само во 2015 година.

На прво место по популарност во земјата е министерот за надворешни работи Франк-Валтер Штајнмаер со 67%. Втор е министерот за финансии Волфганг Шојбле со 56%, а трет е - сојузниот претседател Јоаким Гаук со 64%. Ангела Меркел е на четвртото место на листата со 63%, губејќи 5 процентни од јуни наваму, пишува „Spiegel“.

Ова е најлошиот нејзин резултат за периодот во кој таа е канцелар. Меркел управува со Германија од 2005 година и се очекува да побара четврти мандат во 2017 година, потсетуваат агенциите.