Американскиот воздухопловен гинагнт „Боинг“ и најголемата руска банка „Сбербанк“ соопштија дека договориле испорака на 12 авиони од типот „Боинг 737“ што „Сбербанк“ има намера даги дава на лазинг. Одделот за лизинг на банката ќе ги изнајми дванаестте авиони на „Транс-ер“, еден од клучните корпоративни клиенти. „Боинг“ и „Сбербанк„ се надеваат дека со договорената зделка ќе изградат основи за  финансирање и оперативен лизинг за увезените авиони во Русија. -Спогодбата што денаска ја потпишавме значи многу важен исчекор и доказ за подготвеноста на „Сбербанк“ да го финансира воздухопловниот сектор, нагласи  претседателот на управата и извршен  директор на руската банка Херман Греф. Шеп Хил, претседател на „Боинг Интернешенел“, истакна дека неговата компанија има привилегија да ја ужива поддршката и довербата на „Сбербанк“ во неговиот продор во сегментот на лизинг авионите.