На родителите во Велика Британија им беше соопштено да бидат внимателни откако шест деца во земјата починале во период од една недела по заболување со ретка инвазивна форма на инфекција со бактеријата стрептокок А.

Британскиот министер за здравство Надим Захави изјави дека родителите треба да се грижат за симптомите, иако повеќето случаи на инфекција со оваа бактерија се многу благи, објави британскиот весник Гардијан.

- Најчесто формата на инфекција е многу блага, но бактеријата е многу заразна и затоа е важно да се поттикнат родителите да внимаваат на симптомите, како што се треска, главоболка или осип на кожата - рече Захави.

Водечките експерти предупредуваат дека децата кои биле затворени за време на Ковид имаат послаб имунитет и дека тоа би можело да биде главниот „виновник“ за зголемувањето на случаите.

- Работејќи со тимот за јавно здравје, ја советувавме училишната заедница за мерки на претпазливост за да се спречат понатамошни случаи и продолжуваме внимателно да ја следиме ситуацијата - рече д-р Џими Чоу, здравствен советник на Агенцијата за здравствена безбедност на Обединетото Кралство.

Хелен Салисбери, општ лекар во градот Оскфорд, изјави за Гардијан дека родителите треба да бидат внимателни за да ги забележат симптомите кај децата што е можно порано, како што се постојана треска, летаргија, летаргија, недостаток на апетит и мокрење...

– Гледано од родителска перспектива, навистина е тешко да се каже дали се работи за обично болно грло или увертира за нешто сериозно – изјавила Солсбери.

Бактеријата стрептокок А може да предизвика различни здравствени проблеми, од кои повеќето се благи, но може да вклучуваат шарлах и инвазивна стрептококна А болест.

Агенцијата, исто така, соопшти дека најновите податоци покажуваат дека случаите на шарлах, предизвикани од стрептокок од типот А, остануваат повисоки отколку што вообичаено би забележале во овој период од годината.

Според извештаите, во последната недела биле пријавени 851 случај, наспроти просечните 186 во претходните години.

Британската агенција за здравствена безбедност соопшти дека истрагите се во тек по извештаите за зголемување на инфекциите на долниот респираторен тракт кај децата во последниве недели, предизвикувајќи тешка болест.