Можно е ураганот Иан на Флорида да предизвика „значителни“ човечки загуби“ и да стане најсмртоносниот ураган што некогаш ја погодил таа јужноамериканска држава, изјави денеска американскиот претседател Џо Бајден.

Тој рече дека бројките се уште не се јасни, но дека доаѓаат првите информации за човечки загуби, кои би можеле да бидат „значајни“.

„Тоа би можело да биде најсмртоносниот ураган во историјата на Флорида“, рече Бајден за време на обиколката на просториите на Федералната агенција за управување со природни катастрофи (ФЕМА).

Ураганот Иан, кој достигна статус на бура од четврта категорија на својот врв, предизвика поплави и бранови бури во Флорида, оставајќи два милиони луѓе без струја.

Ураганот потоа ослабе, а неговиот центар ја напушти копното и се пресели над Атлантскиот Океан каде повторно зајакна. Издадено е предупредување за ураган за американската сојузна држава Јужна Каролина.

Ветровите денеска се зголемија на речиси 110 километри на час, што е малку под силата на ураганот, со посилни налети.