Американскиот претседател Џо Бајден рече дека прелиминарните информации сугерираат дека е малку веројатно ракетата што предизвика експлозија во Полска во вторникот и уби двајца цивили да била истрелана од внатрешноста на Русија, пренесува Си-Ен-Ен.

Говорејќи пред новинарите по средбата со другите светски лидери во Бали, Индонезија, претседателот беше прашан дали е премногу рано да се каже дали проектилот бил истрелан од Русија.

„Постојат прелиминарни информации кои го оспоруваат тоа. Не сакам да го кажам тоа додека целосно не го истражиме“, одговори Бајден.

Тој додаде дека „малку е веројатно во главите на траекторијата дека е истрелан од Русија. Но, ќе видиме“.

Претходно, руското Министерство за одбрана соопшти дека извештаите за слетување на руски ракети во Полска се „намерна провокација“.