Американскиот претседател Џо Бајден го потпиша воениот буџет на земјата за фискалната 2023 година во износ од околу 850 милијарди долари, соопшти Белата куќа.

– Законот вклучува одредби кои се од критично значење за поддршка на националната одбрана на нашата земја, надворешната политика, како и внатрешната безбедност – рече Бајден.

Документот, меѓу другото, предвидува издвојување на најмалку 800 милиони долари за помош на Украина во сферата на обезбедување безбедност и 6 милијарди долари за задржување на Русија во Европа.

Тој наведува дека Вашингтон ќе работи на исклучување на Русија од настаните на Г20 и низа други меѓународни организации. Документот предвидува и санкции за трансакции со Русија поврзани со златото, а исто така забранува размена на информации со Москва за противракетната одбрана.

Покрај тоа, буџетот предвидува 11,5 милијарди долари за одбранбено одвраќање во азиско-пацифичкиот регион. САД имаат намера да доделат десет милијарди долари за воена помош за Тајван.

Севкупно, одобрениот буџет е 45 милијарди долари повеќе од она што Белата куќа го побара на почетокот на годината. Вклучува и средства за американската разузнавачка служба, нови авиони, бродови, воени возила, како и модерни технологии.