Бајден ги обвини Путин и Русија
Американскиот потпретседател Џозев Бајден на конференцијата во Минхен ја обвини Русија дека не го почитува територијалниот интегритет на Украина, а рускиот претседател Владимир Путин дека не ги почитува ветувањата и има дирекно влијание на источна Украина, пренесуваат германски медиуми.
Обвинувајќи го Путин дека поради него светот изгледа поинаку отколку во 2012 , Бајден најави дека Америка, и покрај тоа што не е за воено решение, и понатаму ќе и помага на Украина, за да не се бранела сама.
Тој исто така најави дека идните спогодби со Русија ќе зависат од активностите на таа земја.
„Не зборови, туку дела“, барал Бајден, нагласувајќи притиоа дека американската цел не е руската економија да ослаби и да дојде до колапс.
Тој истакнал дека основните принципи на слободна Европа, со неповредени граници, мора да бидат одбранети.
„Европа е 'камен темелник' на американскиот ангажман во цел свет“, рекол Бајден, и како што пренесуваат германските медиуми, ја поддржал германската канцеларка Ангела Меркел во нејзините дипломатски напори за решавање на украинската криза.
Слично
Поврзани вести
