Австријците имаат недоверба кон муслиманите, покажува истражувањето на Интеграцискиот фонд објавено денеска.

Мнозинството Австријци велат дека бегалците не ги почитуваат жените и можат врз нив да применуваат насилство. Вака се изјасниле 77% од испитаниците. Австријците се плашат дека во нивното општество бегалците може да напаѓаат жени и бараат построги услови за нивна интеграција. Од анкетираните 63% го поддржуваат предлогот на Народната партија со кој за семејствата со повеќе деца ќе се даваат најмногу 1500 евра месечно помош. Околу 61% сметаат дека бегалците попрво ќе живеат од социјална помош отколку да работат, а ист процент одговориле дека бегалците не се подготвени за интеграција.

Соживотот со муслиманите е негативно оценет од 56% од испитаните Австријци. Посебно критични се младите мажи до 30 години со ниско образование.