Сторителот и неговиот соучесник, уапсени за обидот за атентат врз генералот Владимир Алексеев, се изјаснија за виновни, објави Руската Федерална служба за безбедност (ФСБ).

„Руските државјани Љубомир Корба, роден во 1960 година, и Виктор Васин, роден во 1959 година, кои беа приведени од страна на службеници на Федералната служба за безбедност на Руската Федерација, се изјаснија за виновни и изнесоа детали за подготовките за обидот за атентат врз првиот заменик-началник на Главната дирекција на Генералштабот на вооружените сили на Руската Федерација, генерал-потполковник Владимир Алексеев, извршен во име на Службата за безбедност на Украина“, се вели во соопштението на ФСБ, објави Спутник.

Вооружен напаѓач го застрела Алексеев во станбена зграда во Москва во петокот. Генералот е хоспитализиран. Отворена е кривична постапка по обвинение за обид за убиство и нелегална трговија со огнено оружје.