Астрономи од Европската вселенска агенција по долго набљудување пронашле нова група на астероиди кои има можност да се приближат до Земјата, а со тоа се зголемуваат и шансите за удар на нашата планета која би претрпела тешки катастрофи. Пронајдени се 5000 нови астероиди или комети кои сега се сместени во категоријата Објекти блиску до земјата (ОБЗ) со различни големини.

„Стапката на откривање на нови тела во последните неколку години е навистина голема и тимови од целиот свет октриваат по 30 нови заканувачки комети или астероиди на неделна основа“, изјави Еторе Пероци од Центарот за координација на ОБЗ при Европската вселенска агенција.

Во ситуација кога имате премногу објекти се следат само тие со најголема површина бидејќи ако удрат во Земјата може да предизвикаат најголема штета, но астрономите смируваат и велат дека шансите за такво нешто во наредните 50 години се мали.