Аргентинскиот голман Емилијано Мартинез продолжи со провокации на сметка на Французите и во Аргентина. 

Тој се забавуваше во рацете држејќи кукла со ликот на фудбалерот од Франција, Килијан Мбапе. Претходно, Мартинез при самото добивање на наградата за најдобар голман на СП признанието го стави во пределот на меѓуножјето и со тоа се пошегува со француските навивачи. Сето ова ја натера Франција да покрене иницијатива оваа награда да му биде одземена на Аргентинецот.

„Можеме да потврдиме дека поднесовме официјално барање до ФИФА за одземање на наградата за најдобар голман доделена на Емилијано Мартинез. Причината е неговото срамно однесување веднаш по финалето, кога ја стави меѓу нозете и ја насочи кон француските фанови, но и за време на последните прослави на аргентинските фудбалери. Таквото однесување е недозволиво, го урива имиџот на фудбалот и пораката што се сака да се прати преку спортот и затоа Мартинез треба да остане без наградата“, објави Карл Олив, првиот човек на Олимпискиот Комитет на Франција.

Аргентинците славеа. На улиците имаше околу 5 милиони луѓе, при што преземаа и ризични потези во моменти на еуфорија.