Детал кој ќе крене голема прашина во наредните денови се случи по победата на Аргентина над Хрватска.

Аргентина во полуфиналето на Мундијалот убедливо ја совлада Хрватска (3:0), а детал од соблекувалната по мечот може да направи многу проблеми. Пауло Дибала на својот Тикток профил ги покажа деталите од прославата по триумфот, но во краткото видео може да се забележи и еден многу контроверзен момент.

Додека Аргентинците ја слават победата и пласманот во финалето, еден од нив го фрла дресот на хрватската репрезентација во корпа за отпадоци! Овој детал лесно се гледа на видеото, но тешко е да се каже за кого се работи. Лицето кое го фрли дресот на Хрватска е на другиот крај од собата и лицето не му е многу препознатливо.

Од друга страна, „Кути“ Ромеро, кој е соиграч на Перишиќ од Тотенхем, беше доволно присебен и реагираше во секунди. Бил до корпата за отпадоци, па го извадил дресот и го фрлил на другата страна, кон еден од соиграчите. Иако и тоа не е гест за восхит, тој е многу подобар од она што се случи само неколку секунди претходно. Погледнете ја целата случка одозгора.

Argentina pic.twitter.com/zfS5YdrrxE

— ScepanCar (@ScepanCar) December 14, 2022