Цената на акциите на американскиот технолошки гигант „Apple“ се намали во берзанската сесија во вторникот само за три минути по објавувањето на извештајот од 130,75 долари за готово до 119,96 долари. Слично намалување - со 8,3 отсто, не е невообичаено за берзанската трговија, но со оглед на фактот дека „Apple“ е најголемата компанија која јавно тргува во светот, тоа е еквивалентно на колапс во вредноста од 62 милијарди долари. Ова е повисока вредност од онаа на компании како „BlackRock“ и „Colgate-Palmolive“.

Но која е причината за падот? Тековната силна продажба на паметни телефони сепак и помогна на „Apple“ да пријави сериозен раст на приходите и профитот, пренесува „Bloomberg“.

Сепак тој не беше доволен за да ги задоволи аналитичарите навикнати на извонредните резултати. Приходите од продажба се зголемуваат на годишно ниво за една третина до 49,6 милијарди долари, објави компанијата по завршувањето на редовната трговија. Со профит од 10,7 милијарди долари „Apple“ заработил со 38% повеќе во однос на истиот период минатата година.

Во крајот на јуни третото тримесечје компанијата успеала да продаде 47,5 милиони „IPhone“ - со 35 отсто повеќе на годишно ниво.

Сепак аналитичарите очекуваа уште повисока продажба, како што консензусзна проценка беше за околу 49 милиони телефони во однос на вкупните приходи во вториот квартал околу 31,4 милијарди долари се паѓаат токму на „smartphone“. За сметка на тоа, продажбата на таблетите „iPad“ продолжува да се намалува. Со 10,9 милиони уреди компанијата забележа пад од 18 отсто во однос на минатата година.

Во однос на приходите и профитот сепак „Apple“ ги надмина очекувањата на аналитичарите.

Стабилна основа останува бизнисот во Кина, каде што приходите на годишна основа се удвоиле. Во азиската страна американскиот концерн предвиде приходи од 13,2 милијарди долари - повеќе од една четвртина од сите приходи.

Во својот извештај компанијата не обезбедува податоци за продажбата на „Apple Watch“. Главниот извршен директор Тим Кук соопшти само за „извонреден старт“ на продажба. „Apple“ ги зема предвид во излагањето во листата „други“ заедно со оние на „iPod“, телевизиската кутија „Apple TV“ и слушалките и звучниците со бренд „Beats“. Овие приходи изнесуваат 2,6 милијарди долари, што претставува раст од 49 отсто на годишна основа и од 56% на квартална. Како се распределуваат тие по одделни производи, сепак засега не е јасно.

За „New York Times“ финансискиот директор на компанијата Лука Местре вели дека „во првите девет недели од продажбата се продадени повеќе часовници, отколку „iPhone“ или „iPad“ во истиот период“. Исто така е познато дека во 2010 година „Apple“ успеа да продаде околу 3 милиони „IPad-а“, како тоа може да е некоја ознака.

За „Bloomberg“ Местре дава ново појаснување. Според него над 100% од растот на приходите во категоријата во номинални услови - 950 милиони долари, се должат на „Apple Watch“. Со просечна цена на уредот од 499 долари, просечната анализа на петмина аналитичари прашани од агенцијата покажува дека компанијата можеби има продадено барем 1,9 милиони часовници за овој период.

Во однос на продажбата на компјутерите „Mac Apple“ успева да пријави раст од 9% до 4,8 милиони продадени компјутери. Општо земено според пазарните аналитичари за истиот квартал целиот пазар на компјутери се намалува за околу 10%.