Компанијата Apple одлучи да ми стави крај на проблемот со мапите. Затоа Аpple ја купи Embark -  старт ап компанија за мапи и навигација основана пред само две години. Како што пренесоа светските медиуми, дел од софтверските инжинери ќе станат дел од тимот на Apple Maps. Стартап компанијата е oснована во 2011-та година и се занимава со мапирање на јавниот превоз во неколку американски градови. Цената на зделката е непозната, но изворите велат дека технологијата на Embark ќе биде веднаш имплементирана во Apple. Претходно Apple доживеа вистински дебакл при промоцијата на оперативниот систем iOs 6 кога беше тргнат сервисот на Google Maps и заменет со сопствен сервис за мапи. Новиот сервис за навигација тогаш се покажа дека има катастрофални грешки.