„Луѓе, слободи, основни права“ е името на новата политичка партија воп Австрија, која се противи на рестриктивните мерки против коронавирусот.

Таа партија неочекувано постигна успех на покраинските избори во Австрија и влезе во парламентот со повеќе од шест проценти од гласовите, покажуваат првите изборни резултати, пренесува Блумберг.

Партијата била основана во февруари како одговор на одлуките на владата за воведување мерки во борбата против пандемијата, а водеше кампања за изборите во Горна Австрија главно преку социјалните мрежи. Нивните активисти не веруваат во ефикасноста на вакцината и се противат на секоја обврска за вакцинација. Основачот на партијата поднесе тужби до Врховниот суд за поништување на законот, кој го оцени како „убиство на слободата“.

Австрија, каде што нешто повеќе од 60 проценти од населението е целосно вакцинирано и е една од најбогатите земји во светот, напредува бавно со вакцинацијата.
Причината за ваквото слабо темпо на вакцинација, конзервативниот канцелар Себастијан Курц ја става на поддршката што ФПО им ја дава на движењата кои се сомневаат во постоењето на коронавирусот и веруваат во теории на заговор.