Сеизмолог од лондонскиот универзитетски колеџ Стивен Хикс оцени дека земјотрес со јачина како тој во Турција би ја поделил Англија на два дела. 

Вели дека зградите на Британските острови не би можеле да издржат толку силен потрес и дека „Англија во суштина ќе се пресече на два дела поради кршењето на патентниот затворач“.

Бирмингем, Манчестер, Шефилд и Бристол би биле уништени доколку земјотресите што ја зафатија Турција ги погодат Британските острови, пренесува Анадолија. 

„Се разбира, ова е академска претпоставка бидејќи ОК нема толку големи раседи за да предизвикаат толку големи земјотреси“, додава Хикс.

Скоро 16.000 луѓе загинаа, а десетици илјади се повредени во земјотресот со јачина од 7,8 степени според Рихтеровата скала што во понеделникот ги погоди Турција и Сирија. По овој потрес од 7.8 степени, имаше стотици послаби земјотреси.