Американскиот гигант Интел, најголем светски производител на чипови, објави дека поради слабата продажба на персонални компјутери, нето приходот во четвртиот квартал паднал за 27 отсто во однос на претходната година. Нето приходот во периодот октомври-декември изнесувал 2,47 долари или 48 центи по акција, додека во четвртиот квартал во 2011 година, Интел остварил добивка од 3,36 милијарди долари или 64 центи по акција. Интел сепак ги надмина очекувањата и за 3 центи по акција оствари подобар приход од првичната прогноза. Вкупниот приход паднал за 3 отсто на 13,5 милијарди долари во последниот квартал.