Чеченскиот лидер Рамзан Кадиров жестоко ја критикуваше одлуката според која мајка му е на листа на санкции и упати закани до Америка.

Објаснува дека мајка му се занимава соо хуманитарни активности. 

„Веќе престанав да се изненадувам со нелогичните одлуки на САД и Западот за санкции. И одеднаш повторно – сега мојата драга мама е на списокот. Фактот дека таа се занимава со добротворни активности е позната на целиот свет. Затоа Американската одлука може да се смета само за намерна и цинична со непочитување на сите етички норми“, рече Кадиров.

Тој ги спомена Украина и Грузија. 

„Ова само ни ги одврзува рацете. Ако државите сами си ги легализираа таквите криминални методи, тогаш нема да бидеме ограничени со ништо. Грузија, Украина – сето тоа се американски проекти во постсоветскиот простор, а да не зборуваме за други конфликти околу свет, започнати од фиктивни причини. А, ако американските криминалци се извлекоа некаде, тоа нема да биде случај со Русија“, се закани Кадиров.