Мајката на починат 33-годишен маж од Бруклин поднесе тужба за 85 милиони долари против Red Bull , бидејќи според неа, енергетската пијалок му предизвикал смртоносен срцев удар , информира New York Daily News . Тужбата од мајката на Кори Тери , се смета за прва за предизвикување смрт против Red Bull . Red Bull е поврзана со девет смртни случаи во светот според судските документи, а резултатите покажуваат дека енергетската пијалок е особено опасен за луѓе кои вежбаат и за тинејџери. Еден пијалок содржи приближно иста количина кофеин како во чаша кафе . Адвокатот кој поднесе тужба во име на Илја Новофастовски сепак изјави за Daily News дека Red Bull содржи " дополнителни стимуланси , коишто го прават поинаков од кафето. " Кори Тери играл кошарка во ноември 2011 година, околу 45 минути, по што испил еден Red Bull и колабирал, пишува Daily News . Неговото срце едноставно застанало . Минатата година американската Агенција за храна и лекови објави 21 извештај поврзани со Red Bull , кои ги добила од 2004 година . Тие вклучуваат поплаки како паничен напади , загриженост , болка во градите , вртоглавица и повраќање . ( Во овие извештаи не се забележува дали луѓето имале други здравствени проблеми , кои можеле да ги предизвикаат овие симптоми . ) Во една студија од 2011 година за енергетските пијалаци како Red Bull се забележува дека сериозната потрошувачка на кофеин се поврзува со напади , дури и смрт. Портпаролка на Red Bull одбила да ја коментира судската тужба против компанијата , но, како што забележува весникот, пијалокот се продава во 165 земји низ целиот свет , бидејќи " здравствените власти ширум светот заклучиле дека енергетскиот пијалок Red Bull е безбеден за консумирање ".