Жителите низ јужните држави брзаа кон супермаркетите за да се снабдат со основни производи за домаќинството пред силната зимска бура. Американците буквално ги уништија полиците во продавниците од страв од потенцијално „катастрофално“ зимско време кое би можело да влијае на најмалку 160 милиони луѓе низ целата земја. Од Тексас до Вашингтон, купувачите наоѓаат празни полици додека граѓаните се подготвуваат за огромна зимска бура која се очекува да ги погоди големите делови од САД овој викенд.

Shoppers across parts of the U.S. were met with long lines or empty shelves in grocery stores as people stock up ahead of a massive winter storm.

Live updates on the storm: https://t.co/V7qB2niUhY pic.twitter.com/m7rFY8KuKD

— ABC News (@ABC) January 24, 2026

Мразот, снегот и лапавицата би можеле да почнат да паѓаат уште во петокот навечер во Тексас и Оклахома, а потоа се очекува бурата да се движи кон југ, носејќи обилни замрзнати дождови и лапавица. После тоа, треба да се пресели кон североистокот на земјата, каде што, според прогнозите на Националната метеоролошка служба, би можеле да паднат до 30 сантиметри снег, од Вашингтон и Њујорк до Бостон.

Повеќе од 9.000 летови закажани за викендот веќе се откажани, вклучувајќи бројни рути во и надвор од Тексас. Владини претставници таму ја уверуваат јавноста дека електричната мрежа е во многу подобра состојба отколку пред пет години, кога се урна за време на разорна зимска бура, оставајќи милиони луѓе без електрична енергија.