Поранешниот шеф на операциите на ЦИА за Европа и Евроазија, Ралф Гоф, изјави дека САД, од страв од можна нуклеарна војна, ѝ обезбедиле на Украина доволно оружје само за да издржи и да им нанесе загуби на руските трупи, но не и да ја порази Русија.

Гоф, кој поминал три децении во ЦИА, верува дека од почетокот на војната во Украина, САД и нивните сојузници усвоиле стратегија што ѝ дозволила на Украина да „се бори и да крвари“, но не и да победи, бидејќи се плашеле дека Русија, под претседателот Владимир Путин, би можела да употреби нуклеарно оружје ако е на работ на пораз.

- Да ја опремевме Украина со вистинското оружје на почетокот, можеби ќе можеа да ги истераат Русите од земјата. Сепак, тоа не се случи и беа поставени темелите за оваа долгорочна, исцрпувачка воена ситуација што ја гледаме денес“, рече Гоф во интервју за „Њујорк тајмс“.

Ex-CIA chief: We gave Ukraine enough weapons to bleed, not to win

Ex-CIA Chief Ralph Goff says the U.S. never intended for Ukraine to win—only to bleed.

He blames Washington's fear of nuclear escalation for holding back decisive aid.

“They gave Ukraine enough to fight, but… pic.twitter.com/HNZcbKchvX

— Clash Report (@clashreport) May 3, 2025

Тој посочи дека поранешниот американски претседател Џо Бајден и неговите сојузници му дозволиле на Путин да го „диктира“ текот на конфликтот и не успеале да ѝ обезбедат на Украина потребно оружје во клучните моменти, а сето тоа од страв од нуклеарна ескалација.

- Тие не ѝ дадоа на Украина доволно за победа, туку само доволно за борба - рече Гоф.

Тој додаде дека западните лидери не се осмелиле сериозно да одговорат на нуклеарната закана од Русија, верувајќи дека Путин би можел да употреби нуклеарно оружје доколку почувствува загуба.

Гоф процени дека војната можеше да заврши порано, доколку САД и нивните сојузници ја препознаеа сериозноста на ситуацијата и реагираа брзо со соодветна поддршка за Украина.

Гоф, кој ја посети Украина неколку пати откако се пензионираше во 2023 година, верува дека Соединетите Држави требало да дејствуваат побрзо и со порешителна стратегија за да спречат ескалација на конфликтот.