Новиот извештај за човековите права на Обединетите нации открива дека во светот денес има околу 45 милиони робови, од кои голем број се жени и деца, а покрај злоупотребата во воените конфликтите истите се принудени и на сексуални услуги.   Најстрашна е состојбата со поробените жени од ИСИС со кои се тргува и на социјалните мрежи. Девојки и жени може да се побараат на социјалните мрежи како Facebook, додека пак, на безбедните апликации за допишување како WhatsApp се пренесуваат податоци за секс трансакциите. Така има случаи на продадени жени од Сирија и Ирак низ арапските земји. Претставници на ООН ќе бараат итни мерки од Советот за безбедност за конкретни чекори против ИСИС, но тоа ќе зависи од воена интервенција и групите за заштита на човековите права не можат да сторат нешто повеќе. Од друга страна се подготвува и инцијатива кон Facebook, WhatsApp, Telegram и останатите сервиси да ги блокираат милитантите на ИСИС и да спречат ширење на материјали за сексуални робинки, како и да објавуваат навремени предупредувања во кризните региони.