Подготвени сме да го замениме „Вагнер“ на позициите во Бахмут, вели чеченскиот лидер Рамзан Кадиров. 

Вели дека чеченските единици се подготвени да ги заменат Евгениј Пригожин и „Вагнер“ на позициите во Бахмут.

„Ако постариот брат Пригожин и „Вагнер“ заминат, тогаш Генералштабот ќе изгуби искусна борбена единица, а неговиот помлад брат Кадиров и „Ахмат“ ќе го заземат неговото место во Артјомовск (Бахмут). Ако сценариото е, сепак, вакво, тогаш нашите борци се подготвени да напредуваат и да го заземат градот. Тоа е прашање на часови. Но, би сакал да ги заземеме преостанатите два километри од градот не по цена на животите на нашите војници, туку како резултат на меѓусебно разбирање, поддршка и решителноста на командата и борците да ја исполнат наредбата на врховниот командант на Русија, Владимир Владимирович Путин“, се вели во соопштението на чеченскиот лидер.