„Ќе се бориме до крај, додека не ја ослободиме нашата земја. Ако се раѓаат деца во засолништа додека продолжува бомбардирањето, јасно е дека непријателот нема шанси во оваа војна“, изјави украинскиот претседател Володимир Зеленски.

Претходно денеска Зеленски не го криеше својот ентузијазам за одлуката на германската влада да испрати оружје од германските залихи во Украина. Да потсетиме, германскиот канцелар Олаф Шолц најави дека Германија ќе и испорача на Украина илјада парчиња противтенковско оружје и 500 противвоздушни ракети Стингер.

„Германија штотуку објави дека ќе ни снабдува со противтенковски ракетни фрлачи и жила. Токму така, канцеларе Шолц. На дело е антивоена коалиција“, напиша Зеленски на Твитер.

Оружјето ќе биде доставено до Украина што е можно поскоро, соопшти германската влада. Оваа одлука претставува промена на правецот во односот на Германија кон украинската криза. Владата досега одбиваше да испорача оружје на Украина бидејќи е зона на конфликт.