Заменик-претседателот на рускиот Совет за безбедност, Дмитриј Медведев вели дека Русија, како правен наследник на поранешниот Советски Сојуз, би можела да стави вето на одлуката на Австрија за членство во НАТО.

Коментарите дојдоа откако министерката за надворешни работи на Австрија, Беате Мајнл-Рајзингер, објави дека ќе се одржат јавни дебати за можноста за напуштање на неутралноста и зачленување во НАТО, наведувајќи ги промените во глобалната безбедност и наводните дејствија на Русија, објави Риа Новости.

Медведев потсети дека Москва е еден од основачите на модерната Република Австрија, нагласувајќи дека секоја промена на статусот на неутралност, според меѓународните договори, бара согласност од сите сојузнички сили што го потпишаа договорот од 1955 година.