Аеродром кој Трамп често го користи ќе го носи неговото име
Аеродром ќе го носи името на aмериканскиот претседател Доналд Трамп.
Меѓународниот аеродром Палм Бич во американската држава Флорида денеска официјално беше преименуван во Меѓународен аеродром „Претседател Доналд Џ. Трамп“.
Воздухопловната ознака на аеродромот ќе остане непроменета до 18 август, кога постојниот код PBI ќе биде заменет со DJT.
Гувернерот на Флорида, Рон ДеСантис, републиканец, во март потпиша закон со кој официјално го именуваше аеродромот во чест на американскиот претседател Доналд Трамп, а Федералната администрација за воздухопловство на САД (FAA) издаде упатства со кои промената на името стапува на сила на 9 јули.
Сепак, кодот на аеродромот што патниците најчесто го користат при купување билети и пребарување летови, PBI, нема да се промени уште 40 дена, според CBS News.
Палм Бич годишно опслужува речиси осум милиони патници.
Трамп често го користи аеродромот кога патува до неговиот имот Мар-а-Лаго во Флорида.
Во САД има 12 аеродроми именувани по поранешни претседатели.
foto printskrin youtube
Слично
Поврзани вести
