Рускиот олигарх Роман Абрамович успеал своето богадство кое вреди во милијарди, од кои дел се имот и недвижнини да го префрли на неговите деца. Како што јавуваат странсктие медиуми, тој успеал да им ја пренесе сопственоста над имотот на неговите деца непосредно пред воведувањето на санкциите.

Протечените датотеки што ги видел „Гардијан“ сугерираат дека 10 тајни офшор фондови формирани за да имаат корист на Абрамович биле брзо реорганизирани на почетокот на февруари 2022 година, три недели пред почетокот на војната на Владимир Путин во Украина.

Сеопфатната реорганизација на финансиските работи на Абрамович започна само неколку дена откако владите се заканија дека ќе воведат санкции за руските олигарси во случај на инвазија.

Протечените документи отвораат прашања за тоа дали промените во фондовите се направени во обид да се заштити огромното богатство на олигархот од заканата од замрзнување на имотот.

Анализата покажува дека со измените седумте деца на Абрамович, од кои најмалото има девет, станаа корисници на фондови кои поседуваат средства во вредност од најмалку 4 милијарди долари, иако нивната вкупна вредност може да биде многу поголема.

Изгледа дека со промените децата стануваат крајни корисни или сопственици на средства кои долго време се поврзани со нивниот татко, вклучувајќи луксузни имоти и флота од суперјахти, хеликоптери и приватни авиони.

Експертите за санкции велат дека големата реорганизација на фондовите може да ги искомплицира напорите за воведување санкции на олигархот и потенцијално да ги спречи напорите за замрзнување на имотот за кој претходно се веруваше дека му припаѓале на металниот тајкун.

Откритијата веројатно ќе покренат прашања за тоа дали и децата на Абрамовиќ треба да бидат предмет на замрзнување на имотот. За разлика од членовите на семејството на некои од најблиските советници на Путин, многу од семејствата на санкционираните олигарси ги избегнуваат ограничувањата.

Владите на Обединетото Кралство и ЕУ воведоа санкции против Абрамовиќ поради наводна корист од блиските односи со Путин и Кремљ.

Абрамовиќ ги негираше финансиските врски со Кремљ и поднесе тужба за да ги оспори санкциите.