7.000 домаќинства во Австрија останаа без струја
По обилните снежни врнежи изминативе денови, делови на Австрија денеска се зафатени од силен студен ветер, кој урна повеќе дрва и електрични столбови, оставајќи без струја илјадници домаќинства.
Како што соопштија австриски власти, без струја се околу 7.000 домаќинства во јужниот дел на покраината Штаерска. Прекинат е и железничкиот сообраќај на пругата од Лајбниц до местото Шпилгфелд на австриско-словенечката граница.
Во покраината Бургенланд проблеми во сообраќајот предизвикаа врнежите на смрзнат дожд. При падови на мразот со посериозни искршеници се здобиле најмалку 21 лице, кои се хоспитализирани.
Слично
Поврзани вести
